Çox təəssüf ki, koreyalılar Azərbaycanı tanımırlar. Azərbaycanı tanıyanların sayı çox azdır. Hara gediriksə siz hardan gəlmisiniz və ya siz haralısınız sualı problemə çevrilir. Hər dəfə Azərbaycandanam deyən zaman ikinci bir sual gəlir "ora harda yerləşir?" və ya "hardan? ". Bilmirəm digər xarici ölkələrdə olan tələbə yoldaşlarım Azərbaycanın harda olduğunu necə izah edirlər, ancaq mən deyirəm ki, Türkiyə ilə Rusiya arasında. Sual verə bilərsiniz ki, niyə İran ilə Rusiya aransında demirəm, çünki 1) İran mənim Ermənistan sonra yumuşaq desək xoşlamadığım ikinci ölkədir 2) İranın əksər ölkələrdə nüfuzu yaxşı deyil. Bu səbədən onlar bilsələr ki, biz İranın yanındayıq onda fikirləşəcəklər ki, yəqin bizdə təxminən İran kimiyik. Cibimdə isə həmişə Azərbaycan və onun yanında olan ölkələri xəritəsini gəzdirirəm. Daha çox informasiya almaq istəyənlər olan zaman onlara xəritəni göstərirəm. Xaricdə olan digər tələbə yoldaşlarıma(xüsusilə asiya ölkələrində) və xaricə getmək fikri olan tələbələrimiz üçün qeyd edim ki, çalışın bizim harda olmağımız sualına Türkiyə ilə Rusiya arasında deməklə yanaşı əlavə edin ki, avropada yerləşir. Bu kifayət qədər yaxşı təəssürat yaradacaq.