Google-da axtardım və qarşıma Azərbaycan dilində domeyn və hostinq haqqında tutarlı məqalə gəlmədiyi üçün bu haqda yazmaq qərarına gəldim. Əvvəlcədən qeyd etmək istərdim ki, məqalə adi istifadəçilər üçün nəzərdə tutulduğu üçün bu işi bilənlər üçün maraqsız olacaq.
Əgər kimsə özünə sayt açmaq istəyirsə bunun üçün o ya hazır bloq sistemlərində bloq aça bilər ya ucoz.ru tipli bir saytda hazır şablonları seçərək sayt hazırlaya bilər və ya əməlli başlı hostinq və domeyn alıb sayt qura bilər. Sözsüz ki, bunların arasında da müəyyən variantlar var.
Hər saytın adı və onun məlumatlarənən yerləşmiş olduğu mənbə var. Siz sayt açan zaman saytın bütün məlumatlarını bir yerə yükləməlisiniz. Həmən yerə sizin hostinq deyilir. Bütün məlumatlarınızı yüklədiyiniz yer bir kompüterdir. O kompüter daimi olaraq internetlə əlaqəsi var və orada bir qrup xüsusi proqramlar var. Sanki sayt.az yazan zaman bir kompüterə daxil olursunuz və sayt.az/mp3 yazan zaman həmən kompüterdə olan mp3 qovluğuna daxil olursunuz daha sonra oradan digər qovluğa keçirsiniz daha sonra bir başqasına və sonra istədiyiniz faylı hər hansı bir qovluqda tapırsınız və onu açırsınız. Onu açan zaman sizin kompüterdə olmadığı üçün sürətinizdən asılı olaraq o sizin kompüterə yüklənir.
Gələk domeyn məsələsinə.Domeyn hər bir saytın adıdır. Hər bir saytın ayrı-ayrılıqdan həm domeyni var həm də hostinqi. Hər bir sayt alınan zaman onun hostinq xidməti ona xüsusi DNS adları verir. Siz həmən DNS adlarını aldığınız domeynə qoşursunuz və beləcə faydali.az yazan zaman sizin kompüter artıq bilir ki, gedib dünyanın hansısa bir yerində olan kompüterə qoşulmalı və ondan informasiya götürməlidir.
Bacardığımm qədər əsas məsələlərə toxunmaqla sadə şəkildə yazmağa çalışdır. Buyurun, nəisə aydın deyilsə yazın. Əgər çox maraqlı olsa daha ətraflı yeni məqalə hazırlayacam.

Əlavə:
1)Bu məlumatları mən çox çətinliklə tam olaraq anladığım üçün düşünürəm ki, yeni sayt açmaq istəyənlər üçün ilk mərhələdə çox kömək olacaq
2) Məqaləni başqa saytda dərc edən zaman istərdim ki, mənbəni göstərəsiniz.